Исторический музей "Наша Эпоха"Главная страницаКарта сайтаКонтакты
Наша Эпоха
Наша Эпоха Наша Эпоха Наша Эпоха
   

Царский молитвослов

 

МОЛИТВЫ

Автор:  О. Николай Ненароков

Священник Николай Ненароков      

МОЛИТВЫ

 

Всемилостивая Владычице наша,

Пресвятая Госпоже, Пречистая Дево,

Богородице Марие, Мати Божия,

Покрове верных, Нерушимая Стено,

Прибежище и спасения Граде,

прости беззакония наша и согрешения,

спаси нас от помрачения и нечувствия,

покрый нас кровом крилу Твоею,

защити святыни Церкве от поругания,

храмы же избави от разрушения,

грады и обители, древле бывшия, сохрани

и воскреси Землю Русскую.

 

«Всемилостивая» о Воскрешении Руси и сохранении святынь составлена на основе молитвенного обращения ко Пресвятой Богородице прп.Серафима Саровского.

 

Молитва о сохранении храма

Преображения Господня и

заповедных земель Царского

села Остров под Москвой

 

 

Царю Святый, Многомилостиве Господи, Иисусе Христе, Сыне и Слове Бога Живаго, Ты бо рекл еси пречистыми усты Твоими: Аминь глаголю вам, яко аще два от вас совещаета на земли о всякой вещи, еяже аще просита, будет има от Отца Моего, Иже на Небесех: идеже бо еста два или трие собрани во Имя Мое, ту есмь посреде их . Непреложны словеса  Твоя,  Господи, милосердие Твое безприкладно, и человеколюбию Твоему несть предела. Сего ради молим Тя: даруй исполнение прошения нам недостойным, согласующимся просити Тя, о еже сохранитися непоколебимо и неврежденно древлесозданному храму Святаго Твоего и Преславнаго Преображения в веси Острове и Царским землям, окрест лежащим, в красоте Богоданного лика их, от пагубнаго разрушения, вавилонскаго пленения, осквернения духом алчности, корысти, безбожия и иновернаго мудрования.

Воспоминающе убо, яко создатель храма сего, Правоверный Белый Царь всея Руси Иоанн Василиевич, падше на колена, молися Тебе – ныне и мы, грешнии, молим Ти ся, Милосерде и Человеколюбче Господи: Покровом Всепречистыя Твоея Матере, Пресвятыя Владычицы нашея Богородицы и Приснодевы Марии; силою Честнаго и Животворящаго Креста; предстательствы Честных Небесных Сил Безплотных; святых Первоверховных Апостолов Петра и Павла; иже во святых отца нашего Николая, архиепископа Мир Ликийских, Чудотворца; преподобных Сергия Радонежскаго и Серафима Саровского, всея Руси чудотворцев; благовернаго князя Димитрия Донскаго и преподобныя Евфросинии Московския; и всех Святых молитвами, простри десницу Твою с высоты Святаго Жилища Твоего, укрепи верных чад Православныя Твоея Церкве, ихже имена Ты Сам веси, в стоянии за святый храм и место его и соблюди неразрушимыми сию твердыню народа нашего и прочия духовныя крепости Земли Русския, славы ради Имене Твоего, Христе Боже наш; обаче не якоже мы хощем, Владыко,  но якоже Ты волиши и веси: воля Твоя да будет.  Аминь.

 

Молитва об Острове составлена совместно с Т.Н.Кудрявцевой ввиду опасности застройки поймы реки Москвы вокруг дворцового села с царским храмом сер. XVI в. коммерческим жильем по заказу иностранных инвесторов и возведения на уникальном останце Острова многоэтажного склада алкогольной продукции.

 

 

Собору Святых, в Ясинии просиявших:

святым князьям-мученикам Андрею Боголюбскому, Георгию и Агафии Владимирским, благоверным князьям Святославу-Гавриилу Юрьевскому,

Марии-Марфе Ясской, Владимирской,

Александру Невскому,  Даниилу и

Иоанну Московским, Димитрию Донскому

и Евфросинии Московской, правоверному

царю Иоанну Грозному, Московскому,

святителю Филарету, Патриарху Московскому и всея Руси:

 

 

Тропарь,глас 1:

Молитвою и мечем гордыню низлагающе,

державно Дом Пречистыя устрояли есте,

святии чудотворцы Ясиновстии,

за народ наш ко Христу ходатаи.

Ныне, от конец Руси семо сошедшеся, предстательством вашим крепким

аки забралом оградите нас.

 

 

 

 

Кондак,глас 8:

Якоже град верху горы стояй,

тако и Собор ваш, красото Земли Российския:

благовернии Царие и князи,

святителие, страстотерпцы и преподобнии.

Темже убо вы, святое ополчение,

молитеся ко  Взбранной Воеводе ликόв Ангельских,

да Знамение милости явит и заступления

Уделу Своему и верных жительству.

 

 

Величание:

Величаем вас, святии ратницы Царя Небесного, пределы Ясиновскии осиявшии

 и Святую Русь необоримо сохраняющии.

 

 

Ясиние – современное Ясенево, великокняжеское и царское село, сначала принадлежавшее Анбалу Ясину, который получил его от св.Андрея Боголюбского, затем перешедшее к Владимирским и Московским князьям и Царям. Святитель Филарет – Патриарх Московский и всея Руси (в миру Феодор Никитич Романов, отец Царя Михаила Феодоровича, владелец Ясиновьского).

 


скачать


Вернуться

Copyright © 2009 Наша Эпоха
Создание сайта Дизайн - студия Marika
 
Версия для печати